12:T826,

Монголын татварын албанаас жил бүрийн тавдугаар сарын хоёр дахь долоо хоногийг “Татвар төлөгчдийн өдрүүд” болгон зарлаж, ирээдүйн татвар төлөгч хүүхэд залууст татварын боловсрол олгох, татвар төлөгчдөдөө талархах, татварын тухай хуулийг сурталчлан таниулах, хуулийн өөрчлөлт шинэчлэлтийг таниулахад чиглэсэн олон үйл ажиллагааг зохион байгуулж тэмдэглэсээр ирсэн.

Татварын мэргэшсэн зөвлөхийн нийгэмлэг ч татвар төлөгчдийн өдрүүдээр татварын алба болон аймаг дүүргийн татварын хэлтсүүдтэй хамтарч, сургалт, үйл ажиллагаанууд явуулдаг.

Эдгээр ажлуудын нэг болгож Баянзүрх дүүргийн татварын хэлтсийн Жижиг татвар төлөгчтэй харилцах тасаг, ТМЗН-ийн Баянзүрх салбар, ТМЗҮ-ний Жи Эс Эккаунт ТМЗ ХХК-тай татвар төлөгчдийн өдрүүдээр хамтран ажиллахаар ярилцаж төлөвлөлөө.

Бид мөн бусад аймаг дүүргүүдийн татварын хэлтэстэй нийгэмлэгийнхээ гүйцэтгэх алба болон салбаруудаар дамжуулан хамтран ажиллахад үргэлж нээлттэй байх болно.